[Gutasagan] 1. Gutland hitti fyrsti maßr ßan sum ßieluar hit. ßa war gutland so eluist at ßet daghum sanc Oc natum war uppj. En ßann maßr quam fyrsti eldi a land Oc sißan sanc ßet aldri. ßissi ßieluar hafßi ann sun sum hit hafßi. En hafßa cuna hit huita stierna ßaun tu bygßu fyrsti agutlandi fyrstu nat sum ßaun saman suafu ßa droymdi hennj draumbr. So sum ßrir ormar warin slungnir saman .j. barmj hennar Oc ßytti hennj sum ßair scrißin yr barmi hennar. ßinna draum segßi han firi hasßa bonda sinum hann riaß dravm ßinna so. Alt ir baugum bundit bo land al ßitta warßa oc faum ßria syni aiga. ßaim gaf hann namn allum o fydum. guti al gutland aigha graipr al annar haita Oc gunfiaun ßrißi. ßair sciptu sißan gutlandi .i. ßria ßrißiunga. So at graipr ßann elzti laut norßasta ßrißiung oc guti mißal ßrißiung En gunfiaun ßann yngsti laut sunnarsta Sißan af ßissum ßrim aucaßis fulc .i. gutlandi so mikit um langan tima. at land elptj ßaim ai alla fyßa. ßa lutaßu ßair bort af landi huert ßrißia ßiauß so at alt sculdu ßair aiga oc miß sir bort hafa sum ßair vfan iorßar attu. Sißan wilßu ßair naußugir bort fara men foru innan ßors borg Oc bygßus ßar firir. sißan wildi ai land ßaim ßula vtan racu ßaim bort ßeßan. Sißan foru ßair borth .i. faroyna. Oc bygßus ßar firir ßar gatu ßair ai sic vppi haldit Vtan foru .j. aina oy wißr aistland sum haitir dagaißi. Oc bygßus ßar firir Oc gierßu burg aina sum enn synis. ßar gatu ßair oc ai sic haldit. Vtan foru vpp at watnj ßi sum haitir dyna Oc vpp ginum ryza land so fierri foru ßair at ßair quamu til griclanz. ßar baddus ßair byggias firir af grica kunungi. vm. ny. oc nißar kunungr ßann lufaßi ßaim Oc hugßi at ai miß ann manaßr wari. sißan gangnum manaßi wildi han ßaim bort wisa En ßair annzsuaraßv at ny oc nißar wari .e. oc .e. Oc quaßu so sir wara lufat. ßissun ßaira wißratta quam firir drytningina vm sißir ßa segßi han. Minn herra kunungur ßu lufaßi ßaim byggia um ny. oc nißar. ßa ir ßet .e. oc .e. ßa matt ßu ai af ßaim taka. So bygßus ßair ßar firir. oc enn byggia. oc enn hafa ßair sumt af waru mali Firi ßan tima oc lengi eptir sißan. Troßu menn a. hult. oc .a. hauga. wi. oc. stafgarßa. oc a haißin guß. blotaßu ßair synnum oc dydrum sinum Oc fileßi. miß matj. oc mundgati. ßet gierßu ßair eptir wantro sinnj. land alt. hafßi sir hoystu blotan miß fulki. ellar hafßi huer ßrißiungr. sir. En smeri ßing hafßu mindri blotan meß fileßi. matj. Oc mungati. sum haita sußnautar. ßi et ßair sußu allir saman. 2. Mangir kunungar stridu agutland mißan haßit war. ßau hieldu gutar .e. iemlica sißri. Oc ret sinum. Sißan sentu gutar sendumen manga tjl suiarikis En engin ßaira fic friß gart fyr ßann awair strabain af alfha socn hann gierßi fyrsti friß wißr suja kunung. ßa en gutar hann til baßu at fara. ßa suaraßi hann. Mik witin ir nu faigastan oc fallastan giefin ßa mir En ir wilin et iec fari innan slikan waßa ßry wereldi. att mir sielfum. annat burnum synj minum. Oc ßrißia cunu. ßy et hann war senieldir. Oc fiel kunnugur so sum saghur af ganga gicc hann a staggaßan ret wißr suia kunung. Siextighi marca silfs vm arr huert. ßet ier scattr guta so at suiarikis cunungr fiauratighi. marcr silfs af ßaim siextighi. En ierl hafi tiughu marcr silfs. ßinna staßgaß gierßi hann miß lanz raßj. fyr en hann haiman fori. So gingu gutar sielfs wiliandi vndir suia kunung ßy at ßair mattin frir Oc frelsir sykia suiariki .j. huerium staß. vtan tull oc allar utgiftir So aigu oc suiar sykia gutland firir vtan cornband ellar annur forbuß. hegnan oc hielp sculdi kunungur gutum at waita. En ßair wißr ßorftin. oc kallaßin. sendimen al oc kunungr oc ierl samulaiß a gutnal ßing senda. Oc latta ßar taka scatt sinn. ßair sendibußar aighu friß lysa gutum alla steßi til sykia yfir haf sum upsala kunungi til hoyrir. Oc so ßair sum ßan wegin aigu hinget sykia 3. Eptir ßet sißan quam helgi olauir kunungr flyandi af norwegi miß schipum oc legßis .j. hamn. ßa sum callar acrgarn ßar la helgi olaujr lengi. ßa for ormica af hainaim oc flairj rikir menn til hanns miß giefum sinum ßann ormica gaf hanum tolf weßru miß andrum clenatum ßa gaf helghi olauir kunungr hanum atR agin tua bulla oc aina braißyxi. ßa tok ormica wißr cristindomj eptir helga olafs kennjdomi Oc gierßi sir byna hus .j. sama steß sum nu standr acrgarna kirchia ßeßan for helgi olauir til ierzlafs .j. hulmgarßi 4. Þaut gutar hainir waru. ßau silgdu ßair miß caupmanna scap innan all land baßi cristin oc haißin. ßa saghu caupmenn cristna sißi .j. cristnum landum ßa litu sumir sic ßar cristna Oc fyrßu til gutlanz prestj botair af acubek hit ßann sum fyrstj kirchiu gierßi .j. ßann staß sum nu haitir kulasteßar. ßy wildi ai land ßula vtan brendu hana ßy callar ßar en kulasteßar. ßa eptir ßan tima war blotan .j. wj. ßar gierßi kirchiu aßra. ßa samu kirchiu wildi land oc brenna ßa for hann sielfr wp a. kirchiu. ßa. oc segßi. wilin ir brenna ßa sculin ir brenna mik meß kirciu ßissi hann war ricr sielfr oc Ricasca manz dotur hafßi hann sum hit liccair sniellj boandi ßar sum kallar stainkirchiu hann reß mest vm ßan tima hann halp botairj magi sinum Oc segßi so herßin ai brenna mann ella kirchiu hanns ßy et han standr .j. wi. firj nißan clintu. miß ßy ficc ßaun kirchia standa obrend han war sett ßar miß aldra helguna namnj innan ßan staß sum nu kallar petrs kirchiu. han war fyrsti kirchia .j. gutlandi sum standa ficc Sißan vm nequan tima eptir lit suer hans lickair snelli sic crisna. Oc husfoyu sina. barn sinn oc hiskep sin allan oc gierßi kirchiu .j. garßj sinum. ßar nu kallar stainkirchiu han war fyrsti kirchia a landi uppi .j. norßasta ßrißiungj Sißan gutar sagu crisna manna sißi ßa lydu ßair guz bußi oc lerßra manna kennu tocu ßa almennilica wißr cristindomj miß sielfs wilia sinum vtan ßuang so et engin ßuang ßaim til cristnur. ¦ Sißan en menn orßu almennilica cristnjr ßa gierßis kirchia annur alandi .j. atlinga bo han war fyrstj .j. mißalßrißiungi ¦ Sißan warß ßrißi gar a landi .j. farßaim .j. sunnarnasta ßrißiungi af ßaim briscaßus kirchiur allar .j. gutlandi ßy et menn gierßu sir kirchiur at mairu maki 5. ¦ Fyr en gutland toki steßilica wißr necrum biscupi ßa quamu biscupar til gutlanzs pilagrimar til helga lanz ierusalem Oc ßeßan haim foru ßan tima war wegr oystra vm ryzaland oc gricland fara til ierusalem ßair wigßu fyrst kirchiur Oc kirchiugarßa Miß byn ßaira sum giera litu kirchiur Sißan en gutar wendus wißr cristindom ßa sentu ßair sendibußa til hoygsta biscups .i. leoncopungi ßy et hann war ßaim nestr. so at miß steßdum ret quami hann til gutlanz ßann raißschep giera miß ßaim forschielum at biscuper wildi cuma af leoncopungj ßrißia huert aR til gutlanz miß tolf mannum sinum sum hanum sculdin fylgia vm land alt miß bonda hestum so mangum oc ai flairum ¦ So a biscupr vm gutland fara til kirchiu wigsla. Oc gingerßa sinna taka ßry borß oc ai maira at kirchiu wigsl. huerri miß. ßrim marcum. at alteris wigsl. at borß miß tolf oyrum En alteri ainsamt scal wigias ßa en baßi iru o wigß alteri oc kirchia saman ßa sculu baßi wigias firi ßry borß Oc ßriar marcar penninga Af presti andrum huerium a biscupr gingerß taka vm tilquemda siß ßry borß Oc ai maira af andrum huerium prestj sum ai gierßi gingerß a ßy ari. taki biscupr af huerium lausn So sum kirchiur iru til scuraßar. ßair sum ai gingerß gierßu at ßy bragßi. ßair sculu gingerß giera ßegar biscupr cumbr atr at ßrißia ari. En hinir aigu loysa sum fyrra bragßi gingerß gierßu ¦ Cunnu dailur warßa sum biscupr a dyma ßaar sculu lendas .j. sama ßrißiungi et ßair menn wita mest af sannundum sum ßar nest boa varßr ai ßar ßaun daila lent ßa scal han schiautas til aldra manna samtalan. Oc ai af ßrißiungi .j. annan Cunnu hetningar eßa dailu mal warßa sum biscupi til hoyra at retta. ßa .a. hier bißa biscups quemdar. oc ai yfir fara utan ßuang reki til. oc mikil synd sei at ai ma proastr loysa. ßa scal yfir fara millan walborga messur oc helguna messur. En ai ßar eptir vm wintr tima til walborga messur Biscup sac i gutlandi ier ai hoyßri ßan ßriar marcr 6. Sißan gutar toku sir biscup oc presti oc wißir fulcumnum cristindomi ßa toku ßair Oc wißr at fylgia suia kunungi .i. herferß miß siau snieckium. vfan .a. haißin land oc ai vfan cristin. So ßau at cunungr. a biavßa gutum laißing eptir wittr Oc manaßa frest firi lißstemnu dag oc ßau scal lißstemnu dagr wara firi missumar oc ai sißar. ßa ir laglica bußit oc ai ellar ßa hafa gutar wal vm at fara en ßair wilia miß sinum snieckium oc atta wichna wist en ai maira ßa en gutar efla ai fylgia ßa gialdin fiauratigi marca penninga firi hueria snieckiu Oc ßau at andru ari. Oc ai ath ßy sama ari sum bußit war. ßet haitir laißings lami .j. ßaim manaßi ßa scal aina wiku buß cafli vm fara oc ßing nemnas. ßa en mannum sembr at laißingir scal ut ganga ßa scal sißan halfan manaß til ferßar boas En sißan siau netir firi lißstemnu sculu laißings menn garlakir wara Oc byriar bißa ßa en so cann warßa. et ai cumbr byr .j. ßairi wicu ßa sculu ßair en bißa siau netr eptir lißstemnu dag. ßa en ai cumbr byr .j. ßairi frest. ßa aigu ßair haimfara at saclausu miß ßy et ai gatu ßair roandi yfir haf farit vtan siglandi Cuma laißings buß .j. minnum frestum ßan manaßar. ßa a ai fara vtan haima sitia at sac lausu Jer so et cunungr wil ai troa at buß quamin olaglica eßa byr hindraßi at retum frestum ßa aigu sendimen kunungs sum scat taka a ßy ßingi sum nest ir eptir sanctj petrs messu taka tolf nemda manna aiß. Svm sendimen kunungs nemna wilia et ßair miß laglicum forfallum haima satin. ¦ Engin gief nemda aißir .j. gutlandi vtan kunungs aißir Cann so illa at berias at crunaßr kunungr warßr miß nequaru waldi bort rekinn af sinu riki ßa aigu ai gutar scatt vt giefa vtan haldi hanum vm ßry aR oc ßau aigu ßair e huert ar scatt saman giera oc liggie lata : En ßa vt giefa ßan ßry ar iru vt gangin. ßaim sum ßa raßir suia riki ¦ Lyct bref miß kunungs insigli scal at allum kunungs ret sendas. oc ai vpit.